Aronce and Clélie after the storm, before the wedding (Clélie 1, 1656) - Chauveau

« Aussi estoit-ce aupres de ces belles & magnifiques ruines, qu’Aronce & Clelie, conduits par Clelius, & par Sulpicie sa Femme, & accompagnez d’vne petite Troupe choisie qui deuoit estre aux Nopces de ces illustres amants qui se deuoient faire le lendemain, se promenoient auec beaucoup de plaisir : Aronce ne se souuenant plus alors de toutes les peines que ses Riuaux luy auoient données. Car le temps de son bonheur sembloit estre si proche, le iour estoit si beau, le lieu si agreable, la Compagnie si diuertissante & si enjoüée ; & Clelie estoit si belle, luy estoit si fauorable, qu’il n’est pas possible que ce qu’il y auoit encore de fâcheux en sa fortune, le fust assez, pour l’empescher d’auoir vne ioye excessive, bien qu’elle fust quelquesfois interrompuë, comme ie l’ay desia dit, par quelque inquietude. » (p. 6-8)