Amour est le plus ancien des dieux (Baudoin, 1638) - Briot

2. Sur la page de droite :

« De l’Atome, Ou des Principes du mouvement.
DISCOVRS XXX.
Les choses que les Poëtes racontent de l’Amour, ou de Cupidon, ne peuvent pas étre toutes apropriées à une certaine personne ; Et toutesfois si elles sont differentes, c’est de telle sorte, que bien qu’on rejette la confusion des personnes, l’on ne laisse pas toutesfois d’en retenir la ressemblance. Ils disent qu’Amour est le plus ancien de tous les Dieux, & par consequent de toute autre chose, réservé le Chaos, avec lequel ils le font contemporain, quoy que les Anciens ne l’ayent jamais honoré de tiltres divins. L’on ne luy donne ny Pere ny mere, si ce n’est que quelques-uns le fony enfant de la Nuict. Mais ce fut luy-mesme, qui du Chaos engendra les Dieux, & toute sles autres choses du monde. Les proprietez qu’on luy attribuë sont quatre, à sçavoir d’estre tousjours Enfant, Aveugle, Nud, & Archer. Ils mettent encore un autre Amour, qui est fils de Venus, & le plus jeune de tous les Dieux. A celuy-là se donnent pareillement les proprietez du plus ancien Amour, cy-deuant alleguées, & qui luy sont conuenables en quelque façon. »