To the Duke of Milan (Alciato, Padua, 1661, No.1)

1. Texte de l'emblème :

Exiliens infans sinuosi è faucibus anguis,

Est gentilitiis nobile stemma tuis.

Talia Pellaeum gessisse nomismata regem

Vidimus, hísque suum concelebrasse genus:

Dum se Ammone satum, matrem anguis imagine lusam,

Divini & sobolem seminis esse docet:

Ore exit, tradunt sic quosdam enitier angues.

An quia sic Pallas de capite orta Iovis?

Version française de 1584 :

Blason des armoiries Milanoises.

   Voicy, Duc de Milan, tes nobles armoiries

De tes predecesseurs heureusement choisies:

C’est que ce bel escu un jeune enfant comprent

Issant hors du gosier d’un tortueux serpent:

De mesme lisons nous que le grand Alexandre

Porta telle devise, en voulant faire entendre

Sa race estre celeste, & qu’il estoit venu

De Jupiter Ammon, tousjours pour tel tenu,

Masquant sa deité de forme serpentine,

Sa mere enceinte estant de semence divine.

Il luy sort de la gueulle: & ainsi que l’on dit

Quelque certain serpent met dehors son petit:

Ou, est ce point d’autant que Pallas sage & forte

Du chef de Jupiter sortit en mesme sorte?

   Icy est proposee l’armoirie du Duché

de Milan. En cest escusson se voit de-

peint un serpent d’Azur, en champ d’or, qui

vomit un enfant comme teint en sang. Al-

ciat nous faict entendre que ceste devise a

este prinse d’Alexandre le grand, qui se van-

toit estre fils de Jupiter Ammon: Et afin que

cecy ne semble absurde, il dit que quelques

serpens serpentent par la gorge, & comme

disent les Poëtes, Minerve a esté nee du cer-

veau de son pere. De vray le serpent est

prins pour une marque de sapience, és let-

tres hieroglyphiques. Donques en ceste

armoirie est representee une race divine,

une ancienne & illustre noblesse, comme

venant du chef de sapience.