|
« … et tournant ma veue, j’en vey un autre de marbre blanc, posé au mylieu de deux colonnes, taillees sur le massif en demybosse, avec leurs bases, chapiteaux, architrave, & frontispice, dedans le platfons duquel y avoit deux tourterelles qui buvoient en un vaisseau. Sur les colonnes regnoir une voulte ayant l’arc un peu large, distribué par quarreaux a rosaces, qui se diminuoient vers le centre, fuyant la raison de la Perspective : & soubz la voulte un coffre saillant dehors, en la face duquel y avoit deux portes : en l’une entroient quelques personnes nues : & d el’autre sortoient aucuns petiz enfans non vestuz en nulle maniere. d’entre ces deux troupes partoit un escriteau qui me feit congnoistre que le coffre signifioit ce monde, & ses deux portes, l’une par ou lon entre en naissant, & l’autre par ou lon sort en mourant, mais tousjours avec plaintes, pleurs, & teles miseres. Ce coffre estoit assis sur deux pieds d’Harpye, finissans en feuillage, & au dessoubz de la voulture estoit un Epitaphe Latin en ceste sorte, » Sujet de recherche : Iconographie du Roland furieux
|
