On demande à Polia d’enseigner ce qu’est l’amour (Hypnerotomachia 1499, p. 378)

« Quand nous fumes donques assiz, les Nymphens mirent en avant quelques gracieux propoz par maniere de confabulation, pour nous entretenir, se monstrant fort convoiteuses d’entendre de nstre condition & estat, specialement une nomee Polyoremene, qui s’avanca de dire : Polia nostre chere seur & compagne au service de Venus la deesse. La grace de vostre maintien, voz meurs vertueuses, & la beauté nonpareille dont nature vous a ornee, nous causent une grande affection de savoir la caise & l’origine de vos bienheureuses amours, ensemble vostre noble race, la quelle nous estimons de lieu hault & illustre. Car cela savons nous certainement de vous, qu’en esprit, donnesteté, sagesse, & bonne grace vous estes accomplie et perfecte. Si nous semble que la belle forme de vostre corps ne soit totalement terrestre, ains avons de sindices qui nous font fuger qu’il y a quelque chose participant de la divinité. »