Déroulement de la chasse organisée par Didon.
Postquam altos uentum in montis atque inuia lustra,
ecce ferae, saxi deiectae uertice, caprae
decurrere iugis ; alia de parte patentis
transmittunt cursu campos atque agmina cerui
puluerulenta fuga glomerant montisque relinquunt.
At puer Ascanius mediis in uallibus acri
gaudet equo, iamque hos cursu, iam praeterit illos,
spumantemque dari pecora inter inertia uotis
optat aprum, aut fuluum descendere monte leonem.