Mercure apparaît en songe à Énée, pour lui enjoindre de hâter son départ. Les Troyens quittent Carthage de nuit.
Aeneas celsa in puppi, iam certus eundi,
carpebat somnos, rebus iam rite paratis.
Huic se forma dei uoltu redeuntis eodem
obtulit in somnis, rursusque ita uisa monere est
omnia Mercurio similis, uocemque coloremque
et crinis flauos et membra decora iuuenta :
« Nate dea, potes hoc sub casu ducere somnos,
nec, quae te circum stent deinde pericula, cernis,
demens, nec Zephyros audis spirare secundos ?
Illa dolos dirumque nefas in pectore uersat,
certa mori, uarioque irarum fluctuat aestu.