Énée supplie Anchise de fuir Troie avec lui. Anchise refuse d'abord, et Créuse cherche à le retenir. Prodige de la flamme sur la tête de Iule. Anchise se décide.
Atque ubi iam patriae peruentum ad limina sedis
antiquasque domos, genitor, quem tollere in altos
optabam primum montis primumque petebam,
abnegat excisa uitam producere Troia
exsiliumque pati. ʻVos O, quibus integer aeui
sanguis,ʼ ait ʻsolidaeque suo stant robore uires,
uos agitate fugam :
me si caelicolae uoluissent ducere uitam,
has mihi seruassent sedes. Satis una superque
uidimus exscidia et captae superauimus urbi.
Sic O, sic positum adfati discedite corpus.