Énée arrive dans la zone des Enfers où séjournent les héros morts au combat. Les Troyens se pressent à sa rencontre, tandis que les Grecs effrayés s'écartent.
Inde datum molitur iter. Iamque arua tenebant
ultima, quae bello clari secreta frequentant.
Hic illi occurrit Tydeus, hic inclutus armis
hic multum fleti ad superos belloque caduci
Dardanidae, quos ille omnes longo ordine cernens
ingemuit, Glaucumque Medontaque Thersilochumque,
tris Antenoridas, Cererique sacrum Polyphoeten,
daeumque, etiam currus, etiam arma tenentem.
Circumstant animae dextra laeuaque frequentes ;
nec uidisse semel satis est ; iuuat usque morari,
et conferre gradum, et ueniendi discere causas.
At Danaum proceres Agamemnoniaeque phalanges
ut uidere uirum fulgentiaque arma per umbras,
ingenti trepidare metu ; pars uertere terga,
ceu quondam petiere rates ; pars tollere uocem
exiguam, inceptus clamor frustratur hiantes.