De la serpent gorgon te gardes
garde bien que ne le regardes
De perseus ayes memoire
Il ten dira toute listoire.Glose.
Gorgon ce dist la fable fut vne damoiselle de souueraine beaulte. Mais pour ce que phebus jut aueuc elle ou temple de diane tant sen couroucha la deesse quelle le transmua en serpent de treshorrible figure Et auoit ce serpent telle propriete que tout homme qui la regardoit estoit soudainement mue en pierre. Et pour le mal qui delle ensieuoit perseus le vaillant cheualier ala pour combatre ala fiere beste... et poeut estre entendue gorgon pour vne cite ou ville qui jadis fut de grant bonte. Mais par les vices des habitans deuint serpent...
