Christine confond la sibylle de Tibur avec la sibylle de Cumes, qui avait accompagné Énée aux Enfers.
Cent auctorites tay escriptes
Si ne soient de toy despites
Car augustus de femme aprist
Qui destre aoure le reprist.Glose.
Cesar augustus fut empereur de romme et de tout le monde. Et pour ce que ou temps de sa seignourie paix fut par tout le monde que il seignourissoit paisiblement la fole gent mescreant tenoient que celle paix fust pour cause du bien de lui mais non estoit car cestoit pour cause de jh[es]um crist qui estoit nez de la vierge marie et ja estoit sur terre et tant comme il vesqui paix fut partout le monde. Si vouloient aourer cesar comme dieu. Mais adont sibilla cumana lui dist que bien gardast que aourer ne se fesist et quil nestoit fors vng seul dieu qui tout auoit cree...