Le royaume de Coilun. Récolte du poivre (Marco Polo, Livre des Merveilles, Fr2810, f84r)

1. La miniature correspond à la rubrique et au texte du verso : 

« Cy devise du royaume de Coilun. Quant l’en se part de Maabar et l’en va .v. cens mille par garbin, si treuve l’en le royaume de Coilum qui sont ydolatres, et chy y a aucuns crestiens. Et chÿ ont langaige par eulz et si ont roy. Il ne sont à nullun treuaige. Il y a moult de bresil que l’en appelle bresil coiluni pour le païs où il naist, et est moult fin. Et chÿ y croist gingembre aussi bon que l’en appelle coiluni pour le païs. Et encore y croist poivre en grant habondance par tout le païs. Et vous diray comment il croist. Sachiez qu’il sont arbres damechiens, et les plantent et recueillent le poivre du mois de may et de juing et de juillet. Et encore ont il inde en habondance moult fin, et le font teindre par la force du soloil, qui est moult chault. Car il a en ceste contree si grant chaleur que à painnes y puet on durer. Car se vous mettiez un oef dedens un [flun], si l’avoit il moult tost cuit pour la chaleur du soleil qui est moult chault. Les marchans du Manzi et de Levant et d’Aval y viennent à toutes leurs nefs et leurs marchandises, et il font moult grans gaains. […] Et si ont leurs fruits trop estranges, et tout ce est pour le tres grant chalour qui y est. Ils n'ont nuls blés aultres que ris ceullement. Ils font vin de sucre moult bon et fait devenir yvres moult tost. De toutes aultres choses de vivre qui à corps d'omme appartient ont il là à grant foison et à grant marchié. Sy ont astronomiens moult bons trouveurs aussi, et sont tout noirs et femmes et enfans. Et vont tous nuls fors que ilz cueuvrent leurs natures de moult beaux draps. Nulle coustume ne tiennent à peschié. Ils se marient à leurs cousines germaines. Et si prennent la femme leur frere puis sa mort...... »

2. Folio 84 recto.